Archive for the 'ಚಿತ್ರಕತೆಗಳು' Category

ಕಿರುತೆರೆ – ಸಾಮಾಜಿಕ ಜವಾಬ್ದಾರಿ

(೮೫ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಅಂಗವಾಗಿ ೭ ಫೆಬ್ರವರಿ ೨೦೨೦, ಶುಕ್ರವಾರ ಬೆಳಗಿನ ೯.೩೦ರಿಂದ ೧೧ ಗಂಟೆವರೆಗೆ ನಡೆದ ಚಲನಚಿತ್ರ: ಕನ್ನಡ ಸಾಹಿತ್ಯ ಎಂಬ ಗೋಷ್ಟಿಯಲ್ಲಿ ಮಂಡಿಸಲಾದ ಪ್ರಬಂಧ.)

ಎಲ್ಲ ಕನ್ನಡ ಮನಸ್ಸುಗಳಿಗೆ ನಮಸ್ಕಾರಗಳು.

೮೫ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಪ್ರಬಂಧ ಮಂಡಿಸುವ ಅವಕಾಶ ನನಗೆ ಎರಡನೆಯ ಸಲ ಒದಗಿ ಬಂದಿದೆ. ಈ ಹಿಂದೆ ಶಿವಮೊಗ್ಗದಲ್ಲಿ ನಡೆದ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಪ್ರಬಂಧ ಮಂಡಿಸಿದ್ದೆ. ಆಗ ಕಡೆಯ ನಿಮಿಷದಲ್ಲಿ ಬರಬೇಕಾದವರು ಬಾರದೆ ಹೋದುದರಿಂದ ಪ್ರೀತಿಯ ಗುರುಗಳಾದ ಚಂಪಾ ಅವರು ನನ್ನನ್ನು `ಬದಲಿ ಆಟಗಾರ’ ಎಂದು ಕರೆದಿದ್ದರು. ಮಾಧ್ಯಮ ಕುರಿತ ಗೋಷ್ಟಿಯಲ್ಲಿ ಗೌರಿ ಲಂಕೇಶ್ ಅವರ ಜೊತೆಗೆ ನಾನೂ ಸಹ ಇದ್ದೆ, ಕಿರುತೆರೆಯ ಬಗ್ಗೆ ಮಾತಾಡಿದ್ದೆ. ಈ ಸಲ ಅಪರೂಪಕ್ಕೆ ನಾನು ಬದಲಿ ಆಟಗಾರ ಅಲ್ಲ. ಅಧ್ಯಕ್ಷರಾದ ಮನು ಬಳಿಗಾರ್ ಅವರು ಖುದ್ದಾಗಿ ನನಗೆ ಕರೆ ಮಾಡಿ ಬರಲು ಸೂಚಿಸಿದರು. ಈ ಆಹ್ವಾನಕ್ಕಾಗಿ ಮನು ಬಳಿಗಾರ್ ಅವರಿಗೆ, ಸಮ್ಮೇಳನಾಧ್ಯಕ್ಷರು ಮತ್ತು ಗುರುಗಳಾದ ಎಚ್ಚೆಸ್ವಿ ಅವರಿಗೆ ಮತ್ತು ಈ ಆಯ್ಕೆಗೆ ಕಾರಣರಾದ ಕನ್ನಡ ಸಾಹಿತ್ಯ ಪರಿಷತ್ತಿನ ಎಲ್ಲ ಸಮಿತಿಗಳ ಸದಸ್ಯರಿಗೆ ವಿಶೇಷ ಧನ್ಯವಾದಗಳನ್ನು ತಿಳಿಸುತ್ತೇನೆ.
ಇಲ್ಲಿ ಮಾಡುತ್ತಿರುವ ಪ್ರಬಂಧ ಮಂಡನೆಗಾಗಿ ದೊರೆವ ಗೌರವಧನವನ್ನಾಗಲಿ ನನ್ನ ಪ್ರಯಾಣದ ಖರ್ಚನ್ನಾಗಲಿ ನಾನು ಪಡೆಯುವುದಿಲ್ಲ. ಆ ಹಣವನ್ನು ಕನ್ನಡ ನಿಧಿ ಮೂಲಕ ಸದುಪಯೋಗ ಪಡಿಸಿಕೊಳ್ಳಿ ಎಂದು ಸಾಹಿತ್ಯ ಪರಿಷತ್ತಿನ ಪದಾಧಿಕಾರಿಗಳಿಗೆ ಕೋರುತ್ತೇನೆ.
ಇಂದಿನ ನನ್ನ ಮಾತುಗಳನ್ನು ಮಂಡಿಸುವ ಮುಂಚೆ ಕೆಲವು ವಿಷಯಗಳನ್ನು ಹೇಳಬೇಕಿದೆ. Continue reading ‘ಕಿರುತೆರೆ – ಸಾಮಾಜಿಕ ಜವಾಬ್ದಾರಿ’

ಬಿ.ಸುರೇಶ ಅವರ “ಉಪ್ಪಿನ ಕಾಗದ”

 

ಕಥಾಸಾರಾಂಶ

ವಿಘಟನೆ ಹೆಚ್ಚಾಗುತ್ತಿರುವ ಕಾಲಘಟ್ಟದಲ್ಲಿ ಕೂಡಿ ಬಾಳುವುದು ಮುಖ್ಯ. ಕೂಡಿ ಬಾಳುವ ಸಮಾಜದಲ್ಲಿ ಇರಬಹುದಾದ ಓರೆಕೋರೆಗಳನ್ನು ತಿದ್ದುವುದಕ್ಕೆ ಉಪ್ಪಿನ ಕಾಗದವಿರುವುದೂ ಅಗತ್ಯ ಎಂದು ಹೇಳುವ ಕಥನವಿದು.
ಆಚಾರಿ ಒಬ್ಬ ಬಡಗಿ. ಆ ಊರಿನ ಎಲ್ಲಾ ಧರ್ಮದ ದೇವಸ್ಥಾನಗಳಿಗೆ ಆಚಾರಿಯೇ ಚಿತ್ತಾರದ ಬಾಗಿಲು, ಧ್ವಜಸ್ತಂಭ, ತೇರು, ಪಲ್ಲಕ್ಕಿ ಮಾಡುವವನು. ಹಳತನ್ನು ದುರಸ್ತಿ ಸಹ ಮಾಡುವವನು. ನದಿ ತೀರದಲ್ಲಿನ್ನ ತನ್ನ ಮನೆಯಲ್ಲಿ ಸದಾ ಕಾಲ ಉಪ್ಪಿನ ಕಾಗದ ಹಿಡಿದು ಚಿತ್ತಾರ ಸೃಷ್ಟಿಸುವ ಆಚಾರಿಯ ಕೌಶಲ್ಯಕ್ಕೆ ಇಡೀ ಊರು ಮಾರುಹೋಗಿದೆ. ಹಾಗಾಗಿ ಆಚಾರಿಗೆ ಆ ಊರಿನ ದೇವಸ್ಥಾನಗಳಲ್ಲಿ ಹಲವು ಸನ್ಮಾನಗಳು ಸಹ ಆಗಿವೆ. ಇವೆಲ್ಲವುಗಳ ನಡುವೆ ಮಾತಿಲ್ಲದ ಮೌನ ಲೋಕದಲ್ಲಿ ಸದಾ ಯಾವುದೋ ದುಃಖದಲ್ಲಿ ಇರುವವನಂತೆ ಬದುಕುವ ಆಚಾರಿಯ ಏಕೈಕ ಜೊತೆಗಾರ ಚಿನ್ನಯ್ಯ. ಆತನೇ ಆಚಾರಿಯ ಹೊರಜಗತ್ತಿನ ಸಂಪರ್ಕ. ಸದಾ ಮಾತಾಡುವ ಚಿನ್ನಯ್ಯನು ಮಾತೇ ಆಡದ ಆಚಾರಿಯ ಜೊತೆಗೆ ವೈರುಧ್ಯವೆಂಬಂತೆ ಬದುಕುತ್ತಾ ಇದ್ದಾನೆ.
ಇಂತಹ ಆಚಾರಿಯ ಮನೆಗೆ ಒಂದು ದಿನ ದಿಢೀರನೆ ಬರುವ ಯುವತಿ ನಯನಾಳು ತಾನು ಆಚಾರಿಯ ಮಗಳು ಎನ್ನುತ್ತಾಳೆ. ಮಡದಿಗೆ ಹೆಣ್ಣು ಮಗು ಹುಟ್ಟಿತೆಂಬ ಸಿಟ್ಟಿಗೆ ಈ ಆಚರ‍್ರು ನಮ್ಮನ್ನೆಲ್ಲಾ ಅನಾಥರನ್ನಾಗಿಸಿ ಇಪ್ಪತ್ತು ವರ್ಷದ ಹಿಂದೆ ಊರು ಬಿಟ್ಟು ಬಂದಿದ್ದಾರೆ ಎಂದು ಆರೋಪಿಸುತ್ತಾಳೆ. ಅವಳ ಮಾತುಗಳನ್ನೆಲ್ಲಾ ಆಲಿಸಿದ ಆಚಾರಿಯು ಬಿಚ್ಚಿಡುವ ಕತೆಯಲ್ಲಿ ತಿಳಿಯುವ ಸತ್ಯಗಳು ಬೇರೆಯದೇ ಆಗಿರುತ್ತವೆ. ನಯನಾ ಮತ್ತು ಚಿನ್ನಯ್ಯನಿಗೆ ಬೆರಗು ಹುಟ್ಟಿಸುತ್ತವೆ.
ನಯನಾಳು ಮಾತಿಲ್ಲದ ಆಚಾರಿಯು ಮರಳಿ ಮಾತಾಡುವ ಹಾಗೆ ಮಾಡುವಂತೆಯೇ ಆಚಾರಿಯು ಅವಳಿಗೂ ಉಪ್ಪಿನ ಕಾಗದದಿಂದ ಓರೆಕೋರೆ ತಿದ್ದುವುದನ್ನು ಕಲಿಸುತ್ತಾನೆ. ಆ ಮೂಲಕ ಉಪ್ಪಿನ ಕಾಗದ ಎಂಬುದು ಇಂದಿನ ಸಮಾಜದ ಬಹುಮುಖ್ಯ ಅಗತ್ಯ ಹಾಗೂ ಪ್ರತಿಮೆ ಎಂಬುದು ಸ್ಪಷ್ಟವಾಗುತ್ತದೆ.

* * *

Continue reading ‘ಬಿ.ಸುರೇಶ ಅವರ “ಉಪ್ಪಿನ ಕಾಗದ”’

ಬಿ.ಸುರೇಶ ಅವರ `ಪ್ರೀತಿಯೆಂಬ ಅಚ್ಚರಿ!’

ಕಥಾ ಸಾರಾಂಶ

ಅನು ಮತ್ತು ಸರ್ವೋತ್ತಮ ಪ್ರೀತಿಸಿ ಮದುವೆಯಾದವರು. ಅವರದು ಅನ್ಯೋನ್ಯ ದಾಂಪತ್ಯ. ಇವರು ಮದುವೆಯಾಗುವ ಕಾಲದಲ್ಲಿ ಇವರನ್ನು ವಿರೋಧಿಸಿದ್ದ ಅವರಿಬ್ಬರ ಮನೆಯವರುಗಳ ಬೆಂಬಲವಿಲ್ಲದೆಯೇ ಈ ದಂಪತಿಗಳು ನಗುನಗುತ್ತಾ ತಮ್ಮ ಸಣ್ಣ ಆದಾಯದಲ್ಲಿಯೇ ನೆಮ್ಮದಿಯಾಗಿ ಬದುಕುತ್ತಿರುವವರು. ಕೆಲಸ ಮುಗಿಸಿ ಬರುವ ಗಂಡನಿಗಾಗಿ ರುಚಿರುಚಿಯಾದ ಅಡಿಗೆ ಮಾಡಿಟ್ಟು, ಅವನು ಬಂದೊಡನೆ ಅವನೊಂದಿಗೆ ಸರಸದ ಮಾತಾಡುತ್ತಲೇ ತಮ್ಮ ಪ್ರೇಮ ಪ್ರಕರಣದ ಘಟನೆಗಳನ್ನು ನೆನೆಸಿಕೊಳ್ಳುತ್ತಾ ಅನು-ಸರ್ವೋತ್ತಮ ಇಬ್ಬರೂ ಅಪರೂಪದ ಜೋಡಿಗಳಾಗಿ ಬದುಕುತ್ತಾ ಇದ್ದವರು. ಸರ್ವೋತ್ತಮನಿಗೆ ತಾನು ದುಡಿಯುತ್ತಿರುವ ಟ್ರಾನ್ಸ್‌ಪೋರ್ಟ್ ಆಫೀಸಿನಲ್ಲಿ ಸಣ್ಣ ಸಂಬಳದ ಕೆಲಸ. ಆತ ತನ್ನ ಮಡದಿಗೆ ಆ ಕೆಲಸದ ವಿವರಗಳನ್ನು ಹೇಳುತ್ತಲೇ ತಾನೊಬ್ಬ ದೊಡ್ಡ ಹೀರೋ ಎಂದು ಭಾವಿಸಿಕೊಂಡು ಬದುಕುತ್ತಾ ಇದ್ದಾನೆ. ಇಂತಹ ದಂಪತಿಗಳು ಒಂದು ರಾತ್ರಿ ವಿಚಿತ್ರ ಆಘಾತಕ್ಕೆ ಸಿಕ್ಕಿಬೀಳುತ್ತಾರೆ. ಕೆಮ್ಮುವ ಅನುವಿಗೆ ಜೊತೆಯಲ್ಲಿ ರಕ್ತವೂ ಬಾಯಿಂದ ಸುರಿದಾಗ ಡಾಕ್ಟರಲ್ಲಿಗೆ ಹೋಗುತ್ತಾರೆ. ಡಾಕ್ಟರ್ ಅನುವಿಗೆ ಬ್ಲಡ್ ಕ್ಯಾನ್ಸರ್ ಆಗಿದೆ ಎಂದು ತಿಳಿಸುತ್ತಾರೆ. ಅವರ ಪ್ರೀತಿಯ ನೆಲೆಯಲ್ಲಿ ಇದು ದೊಡ್ಡ ವಿಷಯ ಅಲ್ಲ ಎಂದು ಭಾವಿಸಿ ಔಷಧೋಪಚಾರಕ್ಕೆ ಸರ್ವೋತ್ತಮ ಮತ್ತು ಅನು ಸಿದ್ಧವಾಗುತ್ತಾರೆ.

Continue reading ‘ಬಿ.ಸುರೇಶ ಅವರ `ಪ್ರೀತಿಯೆಂಬ ಅಚ್ಚರಿ!’’


ಕೆಲವು ಪುಟಗಳು…

ಈವರೆಗೆ ಇಲ್ಲಿ ಸುಳಿದಾಡಿದವರು...

  • 105,109 ಜನರು