Archive for the 'ಸಂಘ ಸುಖ' Category

ಎರಡಲುಗಿನ ಖಡ್ಗದ ಎದುರು…!

(ನ್ಯಾಯಪಥ (ನಾನುಗೌರಿ) ಪತ್ರಿಕೆಗಾಗಿ ಬರೆದ ಲೇಖನ)

ಕಳೆದ ಕೆಲವು ವಾರಗಳಿಂದ ಡಬ್ಬಿಂಗ್ ಕುರಿತ ಚರ್ಚೆ ಮರಳಿ ಮುನ್ನೆಲೆಗೆ ಬಂದಿದೆ. ಇದಕ್ಕೆ ಕಾರಣವಾದುದು ಕೋವಿಡ್ 19 ಕಾರಣವಾಗಿ ಹುಟ್ಟಿದ ಹೊಸ ಪರಿಸ್ಥಿತಿ. ಸರಿಸುಮಾರು 75 ಧಾರಾವಾಹಿಗಳು ಚಿತ್ರೀಕರಣವಾಗಿ ಪ್ರಸಾರವಾಗುತ್ತಿದ್ದ, ಆ ಮೂಲಕ ಸರಿಸುಮಾರು ಆರು ಸಾವಿರ ಜನರಿಗೆ ಉದ್ಯೋಗ ಒದಗಿಸಿದ್ದ ಕನ್ನಡ ಟೆಲಿವಿಷನ್ ಉದ್ಯಮವು ಲಾಕ್‍ಡೌನ್‍ನಿಂದಾಗಿ ಚಿತ್ರೀಕರಣಗಳನ್ನು ಮಾಡಲಾಗದ ಪರಿಸ್ಥಿತಿ ಉಂಟಾಯಿತು. ಆ ಲಾಕ್‍ಡೌನ್ ತೆರೆದಾಗ 26 ಧಾರಾವಾಹಿಗಳನ್ನು ನಿಲ್ಲಿಸಿ ಆ ಜಾಗದಲ್ಲಿ ಕನ್ನಡಕ್ಕೆ ಡಬ್ ಆದ ಇತರ ಭಾಷೆಯ ಧಾರಾವಾಹಿಗಳನ್ನು ಪ್ರಸಾರ ಮಾಡಲು ಹಲವು ವಾಹಿನಿಗಳು ಆರಂಭಿಸಿದವು. ಈ ವರೆಗೆ ಸಿನಿಮಾಗೆ ಇದ್ದ ಡಬ್ಬಿಂಗ್ ಎಂಬುದು ಧಾರಾವಾಹಿಗೂ ಬಂದುದರ ಹಿನ್ನೆಲೆಯಲ್ಲಿ ಡಬ್ಬಿಂಗ್ ಕುರಿತ ಚರ್ಚೆ ಮತ್ತೆ ಮುನ್ನೆಲೆಗೆ ಬಂದಿದೆ. Continue reading ‘ಎರಡಲುಗಿನ ಖಡ್ಗದ ಎದುರು…!’

ತಾಯಿಯ ಮೂಲಕ ಜಗತ್ತಿನ ತರತಮ ಕಾಣಿಸುವ ಕವಿ ಸತ್ಯಾನಂದ

(ಸತ್ಯಾನಂದ ಪಾತ್ರೋಟ ಅವರ ಅವ್ವಾ ಕವನ ಸಂಕಲನ ಕುರಿತ ಲೇಖನಗಳ ಸಂಗ್ರಹಕ್ಕೆ ಬರೆದ ಲೇಖನ)

ಅವ್ವಾ ಎನ್ನುವುದು ಅಗಾಧ ಪ್ರೀತಿಯ ಕಣಜ. ಜಗತ್ತನ್ನೇ ಹೆತ್ತ ಜೀವಕ್ಕೆ ಪ್ರೀತಿಯ ಹೊರತು ಮತ್ತೇನಿದೆ ಹಂಚುವುದಕ್ಕೆ. ಅಂತಹ ಅವ್ವನನ್ನು ಕುರಿತು ಕನ್ನಡದಲ್ಲಿ ಸಹಸ್ರಾರು ಕವನಗಳು, ಕತೆಗಳು ಬಂದಿವೆ. ಹಲವು ಜನಪ್ರಿಯ ಸಿನಿಮಾಗಳು ಈ ತಾಯಿ ಎಂಬ ಭಾವಕೋಶವನ್ನೇ ಹಿಡಿದು ಹಲವು ಗಲ್ಲಾಪೆಟ್ಟಿಗೆಯಲ್ಲಿ ಗೆಲ್ಲುವ ಕಥನಗಳನ್ನು ರೂಪಿಸಿವೆ. ಪಿ.ಲಂಕೇಶರ “ಅವ್ವಾ” ತರಹದ ಕವನಗಳು ಆಧುನಿಕ ಸಾಹಿತ್ಯ ವಲಯದಲ್ಲಿ ನಿತ್ಯ ಬದುಕುತ್ತಿದೆ. ಇಂತಹ ಅವ್ವನನ್ನು ಕುರಿತು ನಮ್ಮ ನಡುವಿನ ಅಪರೂಪದ ಕವಿಗಳಲ್ಲಿ ಒಬ್ಬರಾದ ಸತ್ಯಾನಂದ ಪಾತ್ರೋಟ ಅವರು ಹೊಸದೊಂದು ಕವನ ಬರೆದಿದ್ದಾರೆ. Continue reading ‘ತಾಯಿಯ ಮೂಲಕ ಜಗತ್ತಿನ ತರತಮ ಕಾಣಿಸುವ ಕವಿ ಸತ್ಯಾನಂದ’

ಮೂರೂವರೆ ದಶಕದ ಹಾದಿಯಲ್ಲಿ…

[ಟಿವಿ ಠೀವಿ ಪತ್ರಿಕೆಗಾಗಿ ಬಿ.ಸುರೇಶ ಅವರ “ಸಂಘಸುಖ” (ನವೆಂಬರ್ 2016)]

ಒಂದೊಮ್ಮೆ (ಎಪ್ಪತ್ತರ ದಶಕದಿಂದ ಎಂಬತ್ತರ ದಶಕದ ವರೆಗೆ) ದೃಶ್ಯಮಾಧ್ಯಮಕ್ಕೆ ಹೊಸಬರ ಪ್ರವೇಶವೇ ಅಸಾಧ್ಯ ಎಂಬಂತ ಪರಿಸ್ಥಿತಿ ಇತ್ತು. ಟಿವಿ ಎಂಬುದರ ಆಗಮನ ನಮ್ಮ ಮನೆಗಳ ಹಜಾರದಲ್ಲಿ ಒಂದು ಪೆಟ್ಟಿಗೆಯನ್ನು ತಂದುದಷ್ಟೇ ಅಲ್ಲ, ಅನೇಕ ಕನಸಿಗರಿಗೆ ತಮ್ಮ ಕತೆಗಳನ್ನು ಬಿಚ್ಚಿಡುವ ವೇದಿಕೆಯೂ ಆಯಿತು. ಸುಮಾರು 1980ರ ದಶಕದ ಆರಂಭಿಕ ಭಾಗದಲ್ಲಿ ಆರಂಭವಾದ ಈ ಪಯಣ ಇಂದು ಅನೇಕ ಖಾಸಗಿ ವಾಹಿನಿಗಳ ಜೊತೆ ಸೇರಿ ಬೃಹತ್ ಉದ್ಯಮವೊಂದನ್ನು ರೂಪಿಸಿದೆ. ಈ ಹಾದಿಯಲ್ಲಿ ಅನೇಕರು ಅವಕಾಶ ಪಡೆದು ತಮ್ಮ ಪ್ರತಿಭೆಯಿಂದ ಬೆಳೆದಿದ್ದಾರೆ. ಹಲವರು ಸಿದ್ಧ ಸೂತ್ರಗಳಿಂದಾಚೆಗೆ ಹೊಸ ಮಾದರಿಗಳನ್ನು ಸೃಷ್ಟಿಸಿದ್ದಾರೆ. ಐವತ್ತಕ್ಕೂ ಹೆಚ್ಚು ದೈನಿಕ ಧಾರಾವಾಹಿಗಳು, ಹತ್ತಾರು ಬಗೆಯ ರಿಯಾಲಿಟಿ ಷೋಗಳು, ಹಲವು ಬಗೆಯ ಟಾಕ್ ಷೋಗಳು ಇಂದು ಪ್ರಸಾರವಾಗುತ್ತಿವೆ. ಇದನ್ನೆಲ್ಲಾ ತಯಾರಿಸಲು ಹತ್ತು ಸಾವಿರಕ್ಕೂ ಹೆಚ್ಚು ಜನ ಈ ಉದ್ಯಮದಲ್ಲಿ ಕೆಲಸ ಮಾಡುತ್ತಾ ಇದ್ದಾರೆ. ಇದು ನಿಜಕ್ಕೂ ಜಗತ್ತಿನ ಬೃಹತ್ ಉದ್ಯಮಗಳಲ್ಲಿ ಒಂದು ಎಂಬುದರಲ್ಲಿ ಅನುಮಾನವಿಲ್ಲ. Continue reading ‘ಮೂರೂವರೆ ದಶಕದ ಹಾದಿಯಲ್ಲಿ…’

ಕಾರ್ಮಿಕ ಲೋಕ ಪತ್ರಿಕೆಯವರು ನಡೆಸಿದ ಸಂದರ್ಶನ

“ಕರ್ನಾಟಕ ಕಾರ್ಮಿಕಲೋಕ” ಎಂಬುದು ರಾ.ನಂ.ಚಂದ್ರಶೇಖರ್ ಅವರ ಸಂಪಾದಕತ್ವದಲ್ಲಿ ಕಳೆದ ಏಳೆಂಟು ವರುಷಗಳಿಂದ ಬರುತ್ತಾ ಇರುವ ಮಾಸ ಪತ್ರಿಕೆ. ಈ ಪತ್ರಿಕೆಯ 2016ರ ಮೇ ತಿಂಗಳ ವಿಶೇಷಾಂಕಕ್ಕಾಗಿ ಪತ್ರಿಕೆಯವರು ಹಲವು ಪ್ರಶ್ನೆಗಳನ್ನು ಕೇಳಿ ಉತ್ತರ ಬಯಸಿದ್ದರು. ನಾನು ಕೊಂಚ ಸುದೀರ್ಘ ಉತ್ತರಗಳನ್ನು ನೀಡಿದ್ದರಿಂದ ಪತ್ರಿಕೆಯವರು ಈ ಉತ್ತರಗಳನ್ನು ಎರಡು ಕಂತುಗಳಲ್ಲಿ ಪ್ರಕಟಿಸಿದ್ದಾರೆ. ಇಲ್ಲಿ ಅವರೆಲ್ಲಾ ಪ್ರಶ್ನೆಗಳಿಗೆ ನಾನು ನೀಡಿದ ಉತ್ತರಗಳು ಒಟ್ಟಿಗೆ ಇವೆ. ಆಸಕ್ತರು ಗಮನಿಸಬಹುದು.

1. ಅರ್ಥ, ಪುಟ್ಟಕ್ಕನ ಹೈವೇ, ಗುಬ್ಬಚ್ಚಿಗಳು, ಮುಂತಾದ ಚಿತ್ರಗಳನ್ನು ನಿರ್ದೇಶಿಸಿ, ನಿರ್ಮಿಸಿ ಕನ್ನಡಕ್ಕೆ ರಾಷ್ಟ್ರ ಪ್ರಶಸ್ತಿಗಳನ್ನು ಕನ್ನಡಕ್ಕೆ ತಂದುಕೊಟ್ಟ ಸಾಧಕರು ನೀವು. ಕಾರ್ಮಿಕಲೋಕದ ಪರವಾಗಿ ನಿಮಗೆ ಅಭಿನಂದನೆಗಳು ಮತ್ತು ಧನ್ಯವಾದಗಳು. ಚಲನಚಿತ್ರರಂಗಕ್ಕೆ ನಿಮ್ಮ ಪ್ರವೇಶ ಹೇಗೆ ಆಯಿತು? ಈಗ ಮುಂದಿರುವ `ನೀವು ನಿಮ್ಮ ಕನಸು’ಗಳೇನು?

ಬಿ.ಸುರೇಶ: “ಕತ್ತಲಿರುವ ರಸ್ತೆಯಲ್ಲಿ ನಡೆಯಬಹುದು. ಕನಸಿಲ್ಲದ ರಸ್ತೆಯಲ್ಲಿ ನಡೆಯಲಾಗದು” ಎಂಬ ಗಿರೀಶ್ ಕಾರ್ನಾಡರ ನಾಟಕದ ಮಾತು ಅತ್ಯಂತ ಅರ್ಥಪೂರ್ಣ ಮತ್ತು ಸಮಯೋಚಿತವಾದುದು. ನಮ್ಮ ನಾಳೆಗಳನ್ನು ನಮಗೆ ಬೇಕಾದಂತೆ ಕಟ್ಟುವುದು ನಮ್ಮೆಲ್ಲರ ಎದುರಿಗಿರುವ ನಿತ್ಯಗನಸು. ನಾನು ಸಹ ನಿಮ್ಮ ಹಾಗೆಯೇ. ಈ ವರೆಗೆ ನಾನೇನು ಕೆಲಸ ಮಾಡಿದ್ದೇನೋ ಅವು ಪ್ರಶಸ್ತಿ ಪುರಸ್ಕಾರ ಪಡೆಯಲೆಂದು ಮಾಡಿದ ಕೆಲಸವಲ್ಲ, ಬದಲಿಗೆ ನಾನು ಬದುಕುವ ಸಮಾಜದ ಸಮಸ್ಯೆಗಳನ್ನು ಹೇಳುತ್ತಾ ನನ್ನ ನಾಡು ಕಟ್ಟಲು ಮಾಡಿದ ಅಳಿಲುಸೇವೆಗಳು, ಅಷ್ಟೇ. Continue reading ‘ಕಾರ್ಮಿಕ ಲೋಕ ಪತ್ರಿಕೆಯವರು ನಡೆಸಿದ ಸಂದರ್ಶನ’

ಏರುತ್ತ್ತಿರುವ ಬೆಲೆಗಳು ಮತ್ತು ಅಷ್ಟೇ ಇರುವ ಕೂಲಿ! (ಟಿವಿಠೀವಿ ಪತ್ರಿಕೆಯ ‘ಸಂಘಸುಖ’ ಕಾಲಂಗಾಗಿ – ಆಗಸ್ಟ್ ೨೦೧೧)

ಕನಿಷ್ಟ ವೇತನ ನಿಷ್ಕರ್ಷೆ ಆಗಬೇಕಿದೆ

ಚಿನ್ನದ ಬೆಲೆ ೨೭ ಸಾವಿರ ಮುಟ್ಟಿದೆ. ಪೆಟ್ರೋಲಂತೂ ಲೀಟರಿಗೆ ೭೦/- ಆಗಿದೆ. ಇನ್ನೇನೂ ಅದು ನೂರರ ಗಡಿ ಮುಟ್ಟಲಿದೆ ಎಂಬ ಮಾತೂ ಕೇಳುತ್ತಿದೆ. ಇದೇ ಹೊತ್ತಿಗೆ ನಾಡಿಗೆ ಶ್ರಾವಣದ ಸಂಭ್ರಮ. ಹಬ್ಬಗಳ ಸಾಲು ಒಂದರ ಹಿಂದೆ ಒಂದರಂತೆ ಬರುತ್ತಿದೆ. ಹೀಗಿರುವಾಗ ನಮ್ಮ ಉದ್ಯಮದಲ್ಲಿ ದುಡಿಯುತ್ತಾ ಇರುವವರಿಗೆ ಸಿಗುತ್ತಿರುವ ಕೂಲಿ ಮಾತ್ರ ನಾಲ್ಕು ವರ್ಷದ ಹಿಂದಿನ ಒಪ್ಪಂದದಂತೆಯೇ ಇಂದಿಗೂ ನಡೆಯುತ್ತಿದೆ. ಅದರಲ್ಲಿ ಕೆಲವು ನಿರ್ಮಾಪಕರಂತೂ ತಮ್ಮಲ್ಲಿ ಕೆಲಸ ಮಾಡುವವರನ್ನು ಇನ್ನೂ ಹಳೆಯ ಜಮೀನ್ದಾರೀ ಪದ್ಧತಿಯಂತೆಯೇ ನಡೆಸಿಕೊಳ್ಳುತ್ತಾ ಇದ್ದಾರೆ. ಹೀಗಾಗಿ ನಮ್ಮ ಉದ್ಯಮದಲ್ಲಿ ದಿನಗೂಲಿಗಾಗಿ ಕೆಲಸ ಮಾಡುತ್ತಿರುವ ಪಾಡು ಅಸಹನೀಯವಾಗುತ್ತಿದೆ. ನಮ್ಮಲ್ಲಿನ ಕಲಾವಿದರ ಪರಿಸ್ಥಿತಿ ಹೀಗೇನಿಲ್ಲ. ಕಲಾವಿದರು ತಮ್ಮ ಸಂಬಳವನ್ನು ದಿನವೊಂದಕ್ಕೆ ಕನಿಷ್ಟ ಎರಡು ಸಾವಿರದಿಂದ ಐದು ಸಾವಿರದವರೆಗೆ ಹೆಚ್ಚು ಮಾಡಿಕೊಂಡಿದ್ದಾರೆ. ತಂತ್ರಜ್ಞರು ಸಹ ತಮ್ಮ ಅಳವಿಗೆ ಆಗುವಷ್ಟು ಸಂಬಳ ಹೆಚ್ಚಿಸಿಕೊಂಡಿದ್ದಾರೆ. ಆದರೆ ಹೀಗೆ ಕೂಲಿ ಏರಿಸಿಕೊಳ್ಳುವ ಸೌಲಭ್ಯ ಮಾತ್ರ ನಮ್ಮ ದಿನಗೂಲಿ ಕಾರ್ಮಿಕರಿಗೆ ಇಲ್ಲ ಎಂಬುದು ಖೇದದ ಸಂಗತಿ. ಆ ಜನಕ್ಕೆ ಒಗ್ಗೂಡಿ ಹೋರಾಡುವ ಅವಕಾಶವೂ ಇಲ್ಲದಂತೆ ನಮ್ಮಲ್ಲಿನ ಬಹುತೇಕ ನಿರ್ಮಾಪಕರು ಎರಡನೆಯ ಭಾನುವಾರವೂ ಚಿತ್ರೀಕರಣ ಇಟ್ಟುಕೊಳ್ಳುತ್ತಾರೆ. ದಿನಗೂಲಿ ಕಾರ್ಮಿಕರು ಒಗ್ಗೂಡಿ, ಒಂದೆಡೆ ಸೇರಿ ತಮ್ಮ ಸಮಸ್ಯೆಯನ್ನು ಮಾತಾಡಿಕೊಳ್ಳುವುದಕ್ಕೆ ಬೇಕಾದ ಬಿಡುವೇ ಸಿಗದಂತಹ ಪರಿಸ್ಥಿತಿಯಿದೆ. Continue reading ‘ಏರುತ್ತ್ತಿರುವ ಬೆಲೆಗಳು ಮತ್ತು ಅಷ್ಟೇ ಇರುವ ಕೂಲಿ! (ಟಿವಿಠೀವಿ ಪತ್ರಿಕೆಯ ‘ಸಂಘಸುಖ’ ಕಾಲಂಗಾಗಿ – ಆಗಸ್ಟ್ ೨೦೧೧)’


ಕೆಲವು ಪುಟಗಳು…

ಈವರೆಗೆ ಇಲ್ಲಿ ಸುಳಿದಾಡಿದವರು...

  • 105,109 ಜನರು