Posts Tagged 'ಸಿನಿಮಾ'

ಮಹಿಳೆಯ ಕಣ್ಣಲ್ಲಿ ಪುರುಷ ಲೋಕ

(ಭಾರತೀಹೆಗಡೆ ಅವರ ಲೇಖನಗಳ ಸಂಕಲನಕ್ಕೆ ಮುನ್ನುಡಿ)

ಭಾರತಿ ಹೆಗಡೆ ಅವರು ತಮ್ಮ ಅಂಕಣ ಬರಹಗಳ ಮೂಲಕ ಬಹುಕಾಲದಿಂದ ಪರಿಚಿತರು. ಆದರೆ ಮುಖತಃ ನಾನವರನ್ನು ಭೇಟಿಯಾಗಿರುವುದು ಒಂದೆರಡು ಬಾರಿ ಮಾತ್ರ. ಹೀಗಿದ್ದರೂ ಅವರು ತಮ್ಮ ಲೇಖನಗಳ ಸಂಗ್ರಹಕ್ಕೆ ಮುನ್ನುಡಿ ಬರೆಯಬೇಕೆಂದು ಕೇಳಿದಾಗ ನನಗೆ ಆಶ್ಚರ್ಯವಾಗಿತ್ತು. ನಾನ್ಯಾವ ದೊಡ್ಡ ವಿಮರ್ಶಕ ಎಂದು ಮುನ್ನುಡಿ ಕೇಳುತ್ತಾ ಇದ್ದಾರೆ ಎಂದು ಹಿಂಜರಿದಿದ್ದೆ. ಭಾರತಿ ಅವರು ಬಿಡದೆ ಬೆನ್ನು ಬಿದ್ದರು. ಅವರು ಕಳಿಸಿದ ಲೇಖನ ಮಾಲೆಯಲ್ಲಿದ್ದ ಮುವ್ವತ್ತೈದು ಲೇಖನಗಳನ್ನು ಓದದೆ ತಿಂಗಳ ಕಾಲ ಸುಮ್ಮನಿದ್ದವನು ಒಂದೊಮ್ಮೆ ಓದಿ ಬಿಡುವ ಎಂದು ಆರಂಭಿಸಿದೆ. ಅಚ್ಚರಿ ಎಂಬಂತೆ ಎಲ್ಲಾ ಲೇಖನಗಳೂ ಓದಿಸಿಕೊಂಡು ಹೋದವು. ಒಂದೇ ರಾತ್ರಿಯಲ್ಲಿ ಅಷ್ಟೂ ಲೇಖನಗಳನ್ನು ಓದಿ ಮುಗಿಸಿದೆ. ನಂತರ ಮುನ್ನುಡಿಯಂತಹುದನ್ನು ಬರೆಯಲೆಂದು ಕುಳಿತೆ. ಮೊದಲಿಗೇ ಹೇಳಿಬಿಡುತ್ತೇನೆ, ಇದು ಮುನ್ನುಡಿಯಲ್ಲ, ಪ್ರಾಯಶಃ ಒಂದು ಪುಸ್ತಕಕ್ಕೆ ಪ್ರವೇಶ ದೊರಕಿಸಿಕೊಡುವ ಲೇಖನ ಎನ್ನಬಹುದಷ್ಟೇ. Continue reading ‘ಮಹಿಳೆಯ ಕಣ್ಣಲ್ಲಿ ಪುರುಷ ಲೋಕ’

Advertisements

ಸಿನಿಮಾದ ಸಂಕೇತ ಭಾಷೆ – ಸಿಮಿಯಾಟಿಕ್ಸ್

(“ಹವ್ ಟು ರೀಡ್ ಎ ಫಿಲ್ಮ್” ಎಂಬ ಜೇಮ್ಸ್ ಮೋನಾಕೊನ ಪುಸ್ತಕದ ಮೂರನೆಯ ಅಧ್ಯಾಯದ ಮೊದಲ ಭಾಗದ ಅನುವಾದ.)

ಸಿನಿಮಾಗೆ ಇತರ ಭಾಷೆಗಳಂತಹ ಭಾಷೆಯಿಲ್ಲ. ಆದರೆ ಯಾವುದೇ ಸಿನಿಮಾವು ಯಾವತ್ತಿಗೂ ವ್ಯಾಕರಣವಿಲ್ಲದೆ ಇರುವುದಿಲ್ಲ. ಸಿನಿಮಾದ ಭಾಷೆಯನ್ನು ಕಲಿಯಲು ಯಾವುದೇ ಸಿದ್ಧತೆಯೂ ಬೇಕಿಲ್ಲ. ಆ ಕಾರಣಕ್ಕಾಗಿಯೇ ಎಳೆಯ ಮಕ್ಕಳು ಸಹ ಮಾತು (ಆಡುವ ಭಾಷೆಯನ್ನು) ಕಲಿಯುವ ಮೊದಲೇ ಟೆಲಿವಿಷನ್‍ನಲ್ಲಿ ಬರುವ ದೃಶ್ಯಗಳನ್ನು ಗ್ರಹಿಸಬಲ್ಲರು. ಬೆಕ್ಕುಗಳು ಸಹ ಟೆಲಿವಿಷನ್ ನೋಡುತ್ತವೆ. ಒಂದು ಸಿನಿಮಾದ ಭಾಷೆಯನ್ನು ಅರ್ಥ ಮಾಡಿಕೊಳ್ಳಲು ಮತ್ತು ಸಿನಿಮಾ ಸೌಂದರ್ಯ ಗ್ರಹಣ ಆಗುವುದಕ್ಕೆ ಯಾವುದೇ ಭೌದ್ಧಿಕ ಅಥವಾ ಅಕೆಡೆಮಿಕ್ ಶಿಸ್ತಿನ ಕಲಿಕೆಯ ಅಗತ್ಯವೂ ಇಲ್ಲ.

ಆದರೆ ಸಿನಿಮಾ ಬಹುತೇಕ ಇತರ ಭಾಷೆಗಳ ಹಾಗೆಯೇ ಭಾಷೆ ಎಂದು ಗುರುತಿಸಬಹುದಾದ್ದು. ಒಂದು ಸಿನಿಮಾದಲ್ಲಿ ಆ ಭಾಷೆಯ ಹೆಚ್ಚು ಅನುಭವವುಳ್ಳವರು (ಅಂತಹವರನ್ನು ಸಿನಿಮಾ ಸಾಕ್ಷರರು, ದೃಶ್ಯ ಸಾಕ್ಷರರು ಎನ್ನಬಹುದು) ನೋಡುವ ಮತ್ತು ಕೇಳುವ ವಿವರಗಳು ಸಾಮಾನ್ಯ ಸಿನಿಮಾ ನೋಡುಗರಿಗಿಂತ ಹೆಚ್ಚಾಗಿರುತ್ತದೆ ಎಂಬುದಂತೂ ಸತ್ಯ. ಹಾಗಾಗಿ ಭಾಷೆಯಿಲ್ಲದ ಸಿನಿಮಾ ಭಾಷೆಯನ್ನು ಒಂದಷ್ಟು ತಿಳಿದುಕೊಂಡರೆ ಒಂದು ಸಿನಿಮಾ ನೀಡುವ ಅನುಭವ ಹಾಗೂ ನೊಡುವ ಅನುಭವ ಖಂಡಿತ ಬದಲಾಗುತ್ತದೆ. ಈ ಹಿನ್ನೆಲೆಯಲ್ಲಿ ಭಾಷಾ ಶಾಸ್ತ್ರ ಹಾಗೂ ಭಾಷಾ ವಿಜ್ಞಾನದ ವಿವರಗಳ ಜೊತೆಗೆ ಸಿನಿಮಾ ಭಾಷೆಯನ್ನು ಗಮನಿಸುವ ಪ್ರಯತ್ನ ಇಲ್ಲಿದೆ. Continue reading ‘ಸಿನಿಮಾದ ಸಂಕೇತ ಭಾಷೆ – ಸಿಮಿಯಾಟಿಕ್ಸ್’

ಉಪ್ಪಿನ ಕಾಗದ

(ಸಿನಿಮಾಕ್ಕೆಂದು ಬರೆದ ಹಾಡು )

ಅಲೆ ಅಲೆ ಅಲೆ ಅಲೆ ಸರಿಗಮ!
ಸುಂಯ್ ಸುಂಯ್ ಗಾಳಿ ಧುಮಧುಮ!
ನಾದದ ನದಿಯು
ತಾನದ ನುಡಿಯು
ಬೆರೆತ ಗಾನದ ಪದ ಘಮ! ನಮ್ಮ
ಬಾಳಿನ ಹೊಳೆಯ ಪರಿಕ್ರಮ! ||ಪ||

ತಂಬುರ ಮೀಟುವ ಜೀವವ ತಟ್ಟಿ
ತಾಳವ ನುಡಿಸುವ ಎದೆಯನು ಮುಟ್ಟಿ
ಲಯದ ಸಂಜೆಗೆ ಮನಸನು ಕಟ್ಟಿ
ಪದದ ಅಂಚಿಗೆ ಅರ್ಥವು ಹುಟ್ಟಿ
ಭಾವದ ಹೆರಿಗೆಯು ಮಾಡಿದೆ ಸೃಷ್ಟಿ
ಅಕ್ಷರ ನದಿಯ ಹರಿವೋ ಇದು
ಎಚ್ಚರ ತಪ್ಪಿಸೊ ಒಲವೋ ಇದು || ಅಲೆಅಲೆ ||

ತನುವಿಂದೆದ್ದ ಮಾನಸ ಹಕ್ಕಿ
ರೆಕ್ಕೆ ಬಿಚ್ಚಿ ಸ್ವರವನು ಹೆಕ್ಕಿ
ನೆನ್ನೆಗು ನಾಳೆಗು ಸೇತುವೆ ಕಟ್ಟಿ
ಇಂದೋ ಅಂದೋ ಎಂಬುದನಟ್ಟಿ
ಏರುತ್ತಿಳಿಯುತ ಭಾವವ ಮೆಟ್ಟಿ
ದನಿಯನು ತೆರೆಯುವ ಸಮಯವಿದು
ಹಳೆಗಾಯವು ಹೊಸೆದ ಹಾಡು ಇದು! || ಅಲೆಅಲೆ ||

– ಬಿ.ಸುರೇಶ (೪ ಆಗಸ್ಟ್ ೨೦೧೬)

“ಪ್ರತಿಭಟನೆಯಾಗಿ ಕಾವ್ಯ” (ಚಕ್ರವರ್ತಿ ಚಂದ್ರಚೂಡ ಅವರ “ಮೈಲುತುತ್ತಾ” ಕುರಿತು)

ಇದು ಪ್ರತಿಭಟನೆಯ ಕಾಲ. ಸ್ವಾತಂತ್ರ್ಯದ ನಿಜವಾದ ಅರ್ಥವನ್ನು ಕೂಗಿ ಕೂಗಿ ಹೇಳುವ ಕಾಲ. ಕಳೆದೆರಡು ವರ್ಷದಲ್ಲಿನ ನಮ್ಮ ದೇಶದ ಸಾಮಾಜಿಕ ಮತ್ತು ರಾಜಕೀಯ ಪರಿಸ್ಥಿತಿಯ ಬಗ್ಗೆ ಸಂತೋಷ ಪಡಬಹುದಾದ ಬಹುಮುಖ್ಯ ವಿಷಯವೆಂದರೆ ಈ ಕಾಲಘಟ್ಟವು ಅತಿ ಹೆಚ್ಚು ಚಳುವಳಿಗಳಿಗೆ ಮತ್ತು ಸೃಜನಶೀಲ ಚಟುವಟಿಕೆಗಳಿಗೆ ಗ್ರಾಸ ಒದಗಿಸಿದೆ. ಹಾಗಾಗಿಯೇ ಇವತ್ತಿನ ಕಾಲವನ್ನು ಅತಿಹೆಚ್ಚು ಹೋರಾಟದ ಹಾಡುಗಳು ಹುಟ್ಟಿದ ಕಾಲ ಎಂದು ಸಹ ನಾಳಿನವರು ಗುರುತಿಸಬಹುದೇನೋ. ಒಂದು ವ್ಯವಸ್ಥೆ ತನ್ನ ಜನರ ನಡುವೆಯೇ ಒಡಕು ಮೂಡಿಸುವ ಕೆಲಸಕ್ಕಿಳಿದಾಗ, ತಾನು ಶ್ರೇಷ್ಟ ಇತರರು ಕನಿಷ್ಟ ಎಂಬ ಭಾವದ ಪ್ರಚಾರಕ್ಕೆ ಸ್ವತಃ ನಿಂತಾಗ, ಇತರರು ತಿನ್ನುವ ಆಹಾರವನ್ನು ನಿಯಂತ್ರಿಸಲು ಹೊರಟಾಗ ಸಮಾಜ ಸುಮ್ಮನಿರುವುದಿಲ್ಲ. ಅದು ತನ್ನ ಸ್ವಾತಂತ್ರ್ಯಕ್ಕೆ ಇರಬಹುದಾದ ಎಲ್ಲಾ ಮಗ್ಗುಲುಗಳನ್ನು ಬಳಸಿಕೊಂಡು ಕೂಗಿ ಕೂಗಿ ತನ್ನ ನೋವನ್ನು ಹತಾಶೆಯನ್ನು ಮತ್ತು ಬಿಡಗಡೆಯ ಆಶಯವನ್ನು ಹೇಳುತ್ತಾ ಇರುತ್ತದೆ. ಆ ಹಿನ್ನೆಲೆಯಲ್ಲಿ ಇಂದು ಹೊರ ಬರುತ್ತಾ ಇರುವ ಸಾಹಿತ್ಯ ಕೃತಿಗಳು, ಕವನಗಳು, ನಾಟಕಗಳು, ಸಿನಿಮಾಗಳು – ಎಲ್ಲವೂ ಪ್ರತಿಭಟನೆಯ ಅಸ್ತ್ರಗಳಾಗಿಯೇ ಬರುತ್ತಿವೆ. ಸುಮಾರು ಎಪ್ಪತ್ತರ ದಶಕದಲ್ಲಿದ್ದ ಕಾವು ಮರಳಿ ನಮ್ಮ ಎಲ್ಲಾ ಮಾಧ್ಯಮಗಳಿಗೆ ದೊರೆತಿದೆ. ನಾವು ಇದಕ್ಕಾಗಿ ನಮ್ಮನ್ನಾಳಲು ಮೆಜಾರಿಟಿ ಶಕ್ತಿಯೊಂದಿಗೆ ಬಂದು ಕುಳಿತಿರುವ ಹೊಸ ಸರ್ಕಾರಕ್ಕೆ ಥ್ಯಾಂಕ್ಸ್ ಹೇಳಬೇಕು.
ಇಂತಹ ಕಾಲಘಟ್ಟದಲ್ಲಿ ಗೆಳೆಯ ಚಂದ್ರಚೂಡ ಅವರು ಮತ್ತೊಂದು ಕವನ ಸಂಕಲನ ಹೊರತರುತ್ತಿದ್ದಾರೆ. “ಮೈಲುತುತ್ತಾ” – ಇದು ಈ ಕವನ ಸಂಕಲನದ ಹೆಸರು. Continue reading ‘“ಪ್ರತಿಭಟನೆಯಾಗಿ ಕಾವ್ಯ” (ಚಕ್ರವರ್ತಿ ಚಂದ್ರಚೂಡ ಅವರ “ಮೈಲುತುತ್ತಾ” ಕುರಿತು)’

ಗೆಳೆಯಾ ಕೇಶವಮೂರ್ತಿ ಅವರಿಗೊಂದು ಪತ್ರ (“ಗೇಟ್‍ಕೀಪರ್” ಪುಸ್ತಕ ಕುರಿತು)

ಪ್ರಿಯ ಕೇಶವಮೂರ್ತಿ,
ನೀವು ಬರೆದ ಹೊಸ ಪುಸ್ತಕವನ್ನು ಕುರಿತಂತೆ ಅಭಿಪ್ರಾಯ ಕಳಿಸಿ ಎಂದು “ಗೇಟ್‍ಕೀಪರ್” ಪುಸ್ತಕದ ಕರಡು ಕಳಿಸಿದ್ದಿರಿ. ನನ್ನ ಕೆಲಸದ ಒತ್ತಡದಲ್ಲಿ ಓದುವುದು ಸಾಧ್ಯವಾಗಿರಲಿಲ್ಲ. ಈಚೆಗೆ ಯಾರಿಗೋ ಕಾಯುವ ಹೊತ್ತಲ್ಲಿ ನಿಮ್ಮ ಲೇಖನ ಸಂಗ್ರಹವನ್ನು ಒಂದೇ ಗುಕ್ಕಿನಲ್ಲಿ ಓದಿ ಮುಗಿಸಿದೆ. ಹೀಗೆ ಹಿಡಿದ ಪುಸ್ತಕವನ್ನು ಕೆಳಗಿಳಿಸದಂತೆ ಬರೆದಿದ್ದೀರಿ ಎಂಬುದೇ ನಿಜಕ್ಕೂ ಮೆಚ್ಚತಕ್ಕ ವಿಷಯ.
ಓದುವುದು ಒಂದು ಕೆಲಸವಾದರೆ. ಓದಿದ್ದರ ಕುರಿತು ಅಭಿಪ್ರಾಯ ಬರೆಯುವುದು ಸಹ ಸಮಯ ಬೇಡುವ ಕೆಲಸ. ಹೇಗೆ ಹೇಗೋ ಸಮಯ ಹೊಂದಿಸಿಕೊಂಡು, ಕಂತುಗಳಲ್ಲಿ ಈ ಪತ್ರದ ಮೂಲಕವೇ ನನ್ನ ಅಭಿಪ್ರಾಯ ದಾಟಿಸುತಿದ್ದೇನೆ. ಈ ಕಂತುಗಳ ಬರವಣಿಗೆಯಲ್ಲಿ ಇರಬಹುದಾದ ಮಿತಿಗಳ ಜೊತೆಗೆ ಇದನ್ನು ಒಪ್ಪಿಸಿಕೊಳ್ಳಿ. Continue reading ‘ಗೆಳೆಯಾ ಕೇಶವಮೂರ್ತಿ ಅವರಿಗೊಂದು ಪತ್ರ (“ಗೇಟ್‍ಕೀಪರ್” ಪುಸ್ತಕ ಕುರಿತು)’

ಅನುಭವವು ಅಕ್ಷರವಾದಾಗ…

ರೇಣುಕಪ್ಪ ಅವರಿಗೊಂದು ಪತ್ರ
(ರೇಣುಕಪ್ಪ ಅಂಕಣ ಬರಹಕ್ಕೆ ಮುನ್ನುಡಿ)

ಪ್ರಿಯ ರೇಣುಕಪ್ಪ,
ನಮನಗಳು.
ನೀವು ಎರಡು ವಾರಗಳ ಹಿಂದೆ ನಿಮ್ಮ ಲೇಖನಗಳ ಕಂತನ್ನು ನನಗೆ ಇಮೇಲ್ ಮೂಲಕ ಕಳಿಸಿದ್ದಿರಿ. ಕಾಲಿಗೆ ಚಕ್ರ ಕಟ್ಟಿಕೊಂಡವನಂತೆ ಊರೂರು ತಿರುಗುತ್ತಿರುವ ನಾನು ಅದನ್ನು ಓದುವುದು ತಡವಾಯಿತು. ಊರು ತಲುಪಿದ ಕೂಡಲೇ ನಿಮ್ಮ ಬರಹಗಳನ್ನೆಲ್ಲಾ ಓದಿದೆ. ಖುಷಿಯಾಯಿತು. ಈವರೆಗೆ ನನಗೆ ತಿಳಿಯದಿದ್ದ ನಿಮ್ಮ ಮತ್ತೊಂದು ಮಗ್ಗುಲು ಪರಿಚಯವಾಯಿತು.
ಈ ನಿಮ್ಮ ಬರಹಗಳ ಸಂಗ್ರಹಕ್ಕೆ ಒಂದು ಮುನ್ನುಡಿಯನ್ನು ಬರೆದುಕೊಡಿ ಎಂದು ಸಹ ನೀವು ಕೇಳಿದ್ದಿರಿ. ಆದರೆ ಸತ್ಯ ಹೇಳುತ್ತೇನೆ, ನಾನು ಮುನ್ನುಡಿ ಬರೆಯುವಷ್ಟು ದೊಡ್ಡವನಲ್ಲ. ಹಾಗಾಗಿ ನಿಮಗೊಂದು ಪತ್ರ ಬರೆಯುತ್ತಾ ಇದ್ದೇನೆ. ಈ ಮಾತು ಯೋಗ್ಯ ಎನಿಸಿದರೆ ನೀವಿದನ್ನು ಬಳಸಿಕೊಳ್ಳಬಹುದು. Continue reading ‘ಅನುಭವವು ಅಕ್ಷರವಾದಾಗ…’

“ದೃಶ್ಯೋದ್ಯಮದಲ್ಲಿನ ಮನಾಪಲಿ ವ್ಯವಸ್ಥೆಗಳನ್ನು ಎದುರಿಸುತ್ತಾ ಈಸುವ ಬಗೆ ಹೇಗೆ?”

(ಸಂಕ್ರಮಣ ಸಾಹಿತ್ಯ ಪತ್ರಿಕೆಯ ಬಂಗಾರದ ಹಬ್ಬದ ಪ್ರಯುಕ್ತ ನಡೆದ ವಿಚಾರ ಸಂಕಿರಣದಲ್ಲಿ “ಕನ್ನಡ ಚಲನಚಿತ್ರ ಮತ್ತು ಡಬ್ಬಿಂಗ್ ಸಂಸ್ಕೃತಿ” ಕುರಿತ ಗೋಷ್ಟಿಯಲ್ಲಿ ಆಡಿದ ಮಾತುಗಳ ಲೇಖನ ರೂಪ)

(ಟಿಪ್ಪಣಿ: ಮೂಲ ಭಾಷಣದ ರೆಕಾರ್ಡೆಡ್ ಪ್ರತಿ ಇರಲಿಲ್ಲ. ಹೀಗಾಗಿ ನೆನಪಿಗೆ ಬಂದಂತೆ ಲೇಖನ ಬರೆಯಲಾಗಿದೆ. ಇಲ್ಲಿ ಬರೆದ ಕೆಲವು ಮಾತುಗಳು ಗೋಷ್ಟಿಯಲ್ಲಿ ಆಡಿಲ್ಲದ ಮಾತು ಸಹ ಆಗಿರಬಹುದು.)

ನಾನಿಲ್ಲಿ ಆಕಸ್ಮಿಕವಾಗಿ ಬಂದವನು. ಈ ಹೊತ್ತಿನಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಇರಬೇಕಿದ್ದವನು ಕಾರ್ಮಿಕರ ಹೋರಾಟದ ಸಲುವಾಗಿ ಮರಳಿ ರಾಜಧಾನಿಗೆ ಹಿಂದಿರುಗಿದೆ. ನಿನ್ನೆ ಹದಿನೈದು ಸಾವಿರ ಕಾರ್ಮಿಕರು ರಾಜಧಾನಿಯಲ್ಲಿ ಸೇರಿದ್ದರು, ಕನಿಷ್ಟ ವೇತನ ಮತ್ತು ಕಾರ್ಮಿಕರ ಹಕ್ಕುಗಳ ಬೇಡಿಕೆಯೊಂದಿಗೆ. ಈ ವಿಷಯ ನಮ್ಮ ವಾಹಿನಿಗಳಲ್ಲಿ ಸುದ್ದಿಯಾಗಲಿಲ್ಲ. ಆದರೆ ರಸ್ತೆಯಲ್ಲಿ ಟ್ರಾಫಿಕ್ ಜಾಮ್ ಆದ ಸುದ್ದಿ ಮಾತ್ರ ದಿನವೆಲ್ಲಾ ಬರುತ್ತಿತ್ತು. ಇಂತಹ ಸಂದರ್ಭದಲ್ಲಿ ನಾವು “ಡಬ್ಬಿಂಗ್” ಎಂಬ ವಿಷಯದ ಬಗ್ಗೆ ಮಾತಾಡುತ್ತಾ ಇರುವುದು ಸಹ ಪ್ರಾಯಶಃ ಕಾರ್ಮಿಕರ ಮತ್ತು ಕ್ರಿಯಾಶೀಲ ಕೆಲಸಗಾರರ ನೆಲೆಯಿಂದ ಅತ್ಯಂತ ಸಮಯೋಚಿತ ಎಂದು ಭಾವಿಸುತ್ತೇನೆ. Continue reading ‘“ದೃಶ್ಯೋದ್ಯಮದಲ್ಲಿನ ಮನಾಪಲಿ ವ್ಯವಸ್ಥೆಗಳನ್ನು ಎದುರಿಸುತ್ತಾ ಈಸುವ ಬಗೆ ಹೇಗೆ?”’


ಕೆಲವು ಪುಟಗಳು…

ಈವರೆಗೆ ಇಲ್ಲಿ ಸುಳಿದಾಡಿದವರು...

  • 62,245 ಜನರು
Advertisements